Familja zbulon si është gjendja e Sophia Loren pas thashethemeve online

Një valë shqetësimi për fansat e Sophia Loren u krijua pas disa lajmeve të shpërndara në rrjetet sociale, ku pretendohej se aktorja legjendare italiane kishte pësuar një përkeqësim të rëndë shëndetësor dhe ishte dërguar në spital.

Por familja e saj ka reaguar menjëherë duke mohuar këto pretendime dhe duke sqaruar se lajmet nuk kanë asnjë bazë.

Mbesa e aktores, Alessandra Mussolini, publikoi një video në Instagram ku kërkoi të qetësonte admiruesit e Lorenit, duke bërë të ditur se 91-vjeçarja ndodhet në shtëpi dhe është në gjendje të mirë.

“Tezja Sophia është mirë. Nuk është e shtruar në spital dhe lajmet që po përhapen nuk janë të vërteta”, deklaroi Mussolini.

Sipas saj, aktorja vazhdon të jetë e qetë dhe ruan energjinë që e ka shoqëruar gjatë gjithë jetës dhe karrierës së saj të gjatë në kinematografi.

“Është në shtëpi dhe ndihet shumë mirë. Është e qetë dhe e fortë, me atë energji të jashtëzakonshme që të gjithë ia njihni”, u shpreh ajo.

Mussolini tregoi gjithashtu se Sophia Loren ka marrë me mirënjohje mesazhet e shumta të mbështetjes nga fansat në mbarë botën, të cilët u shqetësuan nga informacionet e pavërteta.

“Ajo më kërkoi t’ju përcillja diçka shumë të thjeshtë: faleminderit. Faleminderit për dashurinë, mesazhet dhe mbështetjen”, tha mbesa e saj.

Me reagimin e familjes janë shuar zërat e përhapur online, ndërsa ikona e kinemasë italiane vijon të qëndrojë larg jetës publike, duke shijuar qetësinë në shtëpinë e saj.