Ministria e Drejtësisë ka reaguar lidhur me transferimin e Erion Veliajt nga ambientet e paraburgimit, duke sqaruar se lëvizja drejt Institucioni...
SHOWBIZ
Fansat ngrenë alarmin: Projekti i ri i Anittës ‘kopje identike’ e hitit ‘Si Ai’ të Taynës
PiranjatPërditësimi i fundit 28 November 2025, 13:49
Këngëtarja e njohur braziliane Anitta ka publikuar së fundmi disa pamje nga puna e saj në studio, duke paralajmëruar projektin e radhës në Instagram. Ajo që për ndjekësit e saj ishte thjesht një teaser muzikor, për publikun shqiptar u kthye menjëherë në temë të nxehtë diskutimi.
Shkak u bë fragmenti i publikuar nga Anitta, i cili sipas shumë dëgjuesve i ngjan dukshëm hitit “Si Ai” të Taynës. Melodia e refrenit thuhet se tingëllon pothuajse identike me projektin e artistes kosovare, vetëm se e kënduar në portugalisht.
Për momentin nuk ka asnjë njoftim zyrtar që të tregojë një bashkëpunim apo marrëveshje mes dy artisteve, çka ka shtuar edhe më shumë dyshimet dhe debatet në rrjet. Disa përdorues mendojnë se mund të bëhet fjalë për përdorim të paautorizuar të materialit, ndërsa të tjerë besojnë se fragmenti mund të jetë thjesht një demo dhe nuk përfaqëson versionin final.
“Si Ai” mbetet një nga hitet më të mëdha të Taynës, një projekt që u bë viral dhe theu rekorde dëgjueshmërie, duke treguar potencialin e saj ndërkombëtar.
Tani mbetet për t’u parë nëse menaxhmenti i Taynës do të reagojë për ngjashmëritë e dukshme apo nëse Anitta do të japë një koment zyrtar për fragmentin që po qarkullon.
