Çfarë do të bëjë me paratë? Ben Affleck fiton 1 milion dollarë në “Who Wants to Be a Millionaire”

Aktori i famshëm, Ben Affleck, ka triumfuar në edicionin e njohur të “Who Wants to Be a Millionaire”. Ai ka fituar çmimin maksimal prej 1 milion dollarë, të cilin do t’a dhurojë për bamirësi.

Aktori fitues i çmimit Oscar, Ben Affleck, ka triumfuar në edicionin e famshëm të “Who Wants to Be a Millionaire”, duke fituar çmimin maksimal prej 1 milion dollarësh, të cilin do ta dhurojë për bamirësi. Aktori fitues i çmimit Oscar, garoi së bashku me kampionin e “Jeopardy!”, Jamie Ding, në spektaklin e drejtuar nga Jimmy Kimmel. Dyshja arriti deri në pyetjen finale, ku u përball me një sfidë mbi emrat e gjelave të detit të falur ndër vite nga presidentët amerikanë gjatë festës së Falënderimeve.

Pas një diskutimi të shkurtër dhe përdorimit të ndihmave të lojës, ata zgjodhën përgjigjen e saktë dhe siguruan çmimin prej 1 milion dollarësh.

Sapo u konfirmua fitorja, Affleck dhe Ding shpërthyen në festë, duke u përqafuar mes duartrokitjeve të publikut dhe konfetive në studio.

Shuma e fituar do t’i dhurohet “Eastern Congo Initiative”, organizata jofitimprurëse që Ben Affleck bashkëthemeloi në vitin 2010 për të mbështetur komunitetet në lindje të Kongos. Gjatë emisionit, aktori u shpreh se ka punuar me këtë fondacion prej rreth 15 vitesh dhe se fondet do të ndihmojnë në përballimin e krizës shëndetësore që po prek rajonin.

Fitorja e Affleck e rendit atë mes pak personazheve të njohur që kanë arritur të fitojnë çmimin maksimal në versionin amerikan të “Who Wants to Be a Millionaire”. Interesant është fakti se një vit më parë, edhe miku i tij i ngushtë Matt Damon fitoi të njëjtën shumë në të njëjtin program, gjithashtu për bamirësi.