FOTO/ Bes Kallaku ndërmerr hapin e radhës? Unaza në dorën e partneres ndez rrjetin

Aktori i njohur i humorit dhe këngëtari Bes Kallaku ka publikuar sërish foto në rrjetet sociale me partneren e tij të re, duke rikthyer vëmendjen pas ndarjes së bujshme nga këngëtarja Xhensila Myrtezaj.

Në imazhet e publikuara, Kallaku shfaqet duke e përqafuar partneren, ndërsa identiteti i saj mbetet ende i panjohur. Megjithatë, në fotografi dallohen flokët e gjata bjonde të vajzës, pa u zbuluar portreti i saj.

Postimin, aktori e ka shoqëruar me një mesazh emocional: “Ti më riktheve Besin dhe ma zbukurove jetën”, të shoqëruar me një simbol zemre.

Një tjetër detaj që ka tërhequr vëmendjen është një unazë në gishtin e vajzës, çka ka nxitur spekulime në rrjet për një hap të mundshëm drejt fejesës, megjithëse një gjë e tillë nuk është konfirmuar nga vetë artisti.

Kujtojmë se Bes Kallaku dhe Xhensila Myrtezaj kanë qenë një nga çiftet më të njohura të showbiz-it shqiptar dhe janë prindër të dy fëmijëve, Ajka dhe Amen. Pas ndarjes, është përfolur se Xhensila ndodhet në një lidhje me këngëtarin Ledri Vula, megjithëse detajet mbi këtë raport mbeten të pakonfirmuara zyrtarisht.