Grida Duma organizon festë për 21-vjetorin e djalit, vallëzimi me Darienin tërheq vemendjen

Një nga eventet më të diskutuara të pasdites së djeshme ishte ajo e Grida Duma e cila ka festuar 21-vjetorin e djalit të saj, Darienit, përmes një feste të organizuar në praninë e miqve, kolegëve dhe familjarëve.

Në këtë ditë të veçantë për të dhe familjen e saj, moderatorja dhe ish-deputetja është shfaqur duke shijuar disa momente të bukura pranë të birit.

Një nga çastet që tërhoqi më shumë vëmendjen ishte vallëzimi i Gridës me Darienin. Pamjet nga festa u komentuan menjëherë, pasi ajo është treguar gjithmonë mjaft e rezervuar për sa i përket jetës së saj private dhe momenteve familjare.

Megjithatë, në 21-vjetorin e të birit, Grida Duma zgjodhi të ndajë një fragment të veçantë, duke treguar lidhjen e ngushtë dhe emocionin e kësaj dite të rëndësishme për të si nënë.