Kryetari i Partisë Demokratike, Sali Berisha, ka akuzuar kryeministrin Edi Rama se po ndërmerr veprime ndaj kryebashkiakut Erion Veliaj nga frika se m...
Hong Kongu ka përjetuar tetorin më të ngrohtë të regjistruar ndonjëherë, në një kohë kur fenomeni klimatik &ld...
SHOWBIZ
Historia e Maserati-t bëhet film, emra të mëdhenj të Hollywoodit në kast
PiranjatPërditësimi i fundit 1 September 2026, 15:35
Historia e gjashtë vëllezërve Maserati, të cilët në vitin 1926 nisën një prej aventurave më të famshme të automobilizmit italian nga një punishte modeste në Bolonjë, së shpejti do të rrëfehet edhe në ekranin e madh.
Filmi i ri, i titulluar “Maserati: The Brothers”, ka publikuar tashmë trailerin zyrtar dhe pritet të sjellë para publikut historinë e familjes që i dha jetë një prej markave më ikonike të automobilizmit.
Në kastin e filmit janë përfshirë disa prej emrave më të njohur të Hollywoodit, mes tyre Al Pacino, Anthony Hopkins, Andy Garcia dhe Jessica Alba, duke i dhënë produksionit një dimension të veçantë.
Ngjarja fokusohet te gjashtë vëllezërit Maserati dhe rrugëtimi i tyre nga vështirësitë e para në një punishte të vogël deri te suksesi në botën e motorsportit. Filmi pritet të tregojë edhe sfidat familjare, ambiciet dhe sakrificat që shoqëruan ngritjen e markës italiane.
Një prej momenteve më të rëndësishme të rrëfimit do të jetë Indianapolis 500, një garë historike që Maserati e fitoi në vitet 1939 dhe 1940 me modelin legjendar 8CTF Boyle Special.
Xhirimet janë realizuar në Modena dhe në studiot Cinecittà, ndërsa produksioni ndodhet aktualisht në fazën e post-produksionit.
Regjisori i filmit është Bobby Moresco, ndërsa rolet e vëllezërve Maserati interpretohen nga Michele Morrone, Salvatore Esposito dhe Lorenzo De Moor.
Premiera në Itali është parashikuar për 15 tetor 2026, megjithëse data ende nuk është konfirmuar zyrtarisht.
“Maserati: The Brothers” premton të sjellë në kinema historinë e një familjeje italiane që nisi me mjete të kufizuara, por arriti të hyjë në historinë e automobilizmit botëror, duke u përballur në pistë me disa prej emrave më të mëdhenj të motorsportit.
