Një tjetër tentativë e negociatorëve për të bindur 35-vjeçarin të dorëzohet është zhvilluar pak minut...
SHOWBIZ
Homazhet për Shpat Kasapin, Big Mama shfaqet thellësisht e prekur! Ja çfarë mbante në dorë në shenjë kujtimi (FOTO)
PiranjatPërditësimi i fundit 30 Nëntor 2025, 13:21
Këngëtari i njohur Shpat Kasapi ndërroi jetë në moshën 40-vjeçare si pasojë e një ataku në zemër. Ditën e sotme ai do të përcillet për në banesën e fundit, ndërkohë që homazhet janë caktuar të zhvillohen në Pallatin e Kulturës në Tetovë.
Big Mama u shfaq thellësisht e prekur, me lot në sy gjatë ceremonisë së homazheve. E veshur me rroba të zeza, ajo qëndroi pranë të pranishmëve, duke marrë ngushëllimet dhe duke mbajtur një shami në dorë, ndërsa emocionet nuk i lejuan të fshihej pas një qetësie të jashtme.
Në dorë mbante edhe një fotografi bardh e zi të Shpatit, që simbolizonte kujtimin e përhershëm dhe vendin special që ai do të kishte gjithmonë në zemrën e saj. Big Mama dhe Shpati ishin miq të ngushtë dhe kolegë që prej vitit 1997, duke bashkëpunuar shpesh në programe festive.
Ajo ka treguar se pak ditë para ndarjes nga jeta, Shpati kishte shprehur dëshirën që ata të këndonin së bashku këngën “Sajzeza”.Pas ceremonisë, procesioni mortor do të vazhdojë drejt varrezave të qytetit, ku dhe do të kryhet varrimi i Kasapit në orën 14:00.
Partnerja e këngëtarit ka bërë të ditur gjithashtu se ceremonia mortore do të mbahet ditën e diel, më 30 nëntor. Këngëtari ndodhej në Itali për një vizitë familjare bashkë me djalin e tij, ku edhe ndërroi jetë.
