Zonat malore në qarkun e Kukësit po përjetojnë kushte klimaterike dimërore, ndonëse jemi ende në fund të muajit tetor.
...
SHOWBIZ
H*rror në varreza/ Zhduket koka e modeles së vrarë në Itali
PiranjatPërditësimi i fundit 31 March 2026, 15:37
Pesë muaj pas vrasjes tronditëse të modeles italiane Pamela Genini, familja e saj është përballur me një tjetër ngjarje makabre që ka tronditur opinionin publik në Itali. Gjatë një rivarrimi të planifikuar në varrezat e Strozzës, punonjësit e varrezave zbuluan se arkivoli i 29-vjeçares ishte hapur dhe trupi i saj ishte dhunuar në mënyrë çnjerëzore.
Sipas raportimeve, kur arkivoli u kontrollua, u konstatua se koka e viktimës ishte prerë dhe ishte marrë. Zbulimi i rëndë ka shkaktuar reagime të forta, ndërsa nëna e saj e ka cilësuar ngjarjen si “një mizori çnjerëzore”.
Prokuroria e Bergamos ka nisur një hetim për përdhosje varri dhe manipulim të trupit, vepra që sipas ligjit italian dënohen me disa vite burg, sidomos kur kryhen brenda territorit të një varreze. Deri më tani nuk ka persona të arrestuar, ndërsa hetuesit dyshojnë se mund të jenë përfshirë më shumë se një autor. Nuk përjashtohet as mundësia e një motivi të errët apo lidhjeje patologjike me viktimën.
Pamela Genini u vra në tetor të vitit 2025 në Milano nga ish-partneri i saj, i cili dyshohet se e sulmoi me mbi 30 goditje me thikë pas ndarjes. Ai ndodhet aktualisht në burg, i akuzuar për përndjekje dhe vrasje.
Ngjarja e fundit ka rikthyer në qendër të vëmendjes këtë rast tragjik, duke shtuar dhimbjen e familjes dhe duke ngritur shqetësime të reja mbi sigurinë dhe respektin ndaj të ndjerëve.
