Polemikat rreth Kylian Mbappé-së në Kinë nuk janë shuar, pavarësisht kërkim-faljes së sulmuesit të Real Madridit...
SHOWBIZ
Incident në Gjilan, Joz Markun nuk e pranojnë në hotel, shoqëruesi i tij përleshet me recepsionistin
PiranjatPërditësimi i fundit 16 January 2026, 15:59
Emri Jozefin Marku, i njohur për publikun si Jozi, është përmendur në mediat kosovare pas një ngjarjeje të ndodhur në Gjilan, ku një incident fizik ka përfshirë shoqëruesin e tij.
Sipas raportimeve, këngëtari kishte shkuar në një hotel së bashku me Fitim Gashin dhe disa vajza, me synimin për të siguruar dhoma për qëndrim. Megjithatë, mungesa e vendeve të lira ka shkaktuar tension mes palëve, çka ka agravuar në një përleshje fizike mes shoqëruesit të Jozit dhe recepsionistit të hotelit.
Burimet bëjnë me dije se gjatë konfliktit janë hedhur dhe rrëzuar edhe disa sende brenda ambientit të pritjes, ndërsa situata ka dalë jashtë kontrollit për disa momente. Nga ana tjetër, thuhet se vetë Jozefin Marku nuk ka qenë i përfshirë drejtpërdrejt në konflikt, pasi në çastin e incidentit dyshohet se ndodhej në veturë, së bashku me dy shoqërueset femra.
Ndërkohë, Policia e Kosovës ka nisur hetimet për të sqaruar rrethanat e plota të ngjarjes dhe për të përcaktuar përgjegjësitë.
Kujtojmë se Jozi u bë i njohur për publikun e gjerë pas pjesëmarrjes në “Big Brother VIP Albania”, ku në fund të rrugëtimit të tij në këtë format u përfshi në një tjetër incident, duke goditur me shuplakë këngëtarin dhe fituesin e BBVA, Gjesti.
