Juliana Nura në pritje të ëmbël, zbulohet gjinia e binjakëve

Ish-finalistja e Big Brother VIP Kosova, Juliana Nura, po jeton një nga periudhat më të bukura të jetës së saj.

Sipas raportimeve të Indeksonline, Juliana është në pritje të ëmbël përmes procesit IVF dhe së fundmi ka organizuar një ceremoni të vogël private për zbulimin e gjinisë së foshnjave.

Burime pranë saj bëjnë me dije se eventi është zhvilluar larg vëmendjes së publikut, vetëm në praninë e familjarëve dhe njerëzve më të afërt.

Po sipas këtyre burimeve, në këtë moment të veçantë është zbuluar se Juliana do të bëhet nënë e binjakëve, një vajze dhe një djali.

Festa thuhet se ka qenë e thjeshtë, por e mbushur me emocione, ndërsa deri më tani vetë Juliana nuk ka bërë një reagim publik lidhur me këto raportime.

Nëse lajmi konfirmohet nga protagonistja, atëherë ish-banorja e reality show-t do të nisë një kapitull të ri dhe shumë të rëndësishëm në jetën e saj, teksa përgatitet të mirëpresë dy fëmijët e saj.