Edhe e ardhmja e Nedim Bajramit pritet të ketë të reja në këtë faze merkatoje. Sipas “The Sun” raportohet se Rejnxh&...
SHOWBIZ
FOTO/ Katy Perry elektrizon fansat në Sunny Hill, valëvit flamurin e Kosovës në skenë: Kam gjithë verën që pres këtë moment!
PiranjatPërditësimi i fundit 1 Gusht 2026, 12:13
Mijëra të rinj janë mbledhur në Kosovë për festivalin më të madh të Europës Juglindore, Sunny Hill. Mbrëmja e 31 korrikut dhuroi emocione me performancën spektakolare të artistes ndërkombëtare Katy Perry e cila u ngjit në skenë dhe ngriti flamurin e Kosovës.
Artistja amerikane u shfaq e veshur si astronaute, ndërsa akrobatët në skenë i dorëzuan flamurin e Kosovës, të cilin gjatë performancës e “vendosi në hënë”. Një moment që u prit me entuziazëm nga publiku dhe u bë një nga skenat më të komentueshme të mbrëmjes.
“Përshëndetje Prishtinë. A jeni shqiptarë, a do të festoni me mua?”, ishte përshëndetja e parë e Katy Perryt për mijëra të pranishmit, të cilët kënduan në kor hitet e saj gjatë gjithë koncertit.
Në skenë me Katy Perryn u ngjit edhe një vajzë 10-vjeçare, ndërsa artistja falënderoi Dua Lipën për ftesën.
“Mikja ime Dua Lipa më ka thënë se ky është festivali më i mirë në Europë dhe kam gjithë verën që pres këtë moment”.
Para performancës së saj, atmosferën e ndezi këngëtarja shqiptare Dhurata Dora, e cila u prit me brohoritje nga publiku. Festivali do të vazhdojë edhe gjatë fundjavës me performanca të artistëve të njohur ndërkombëtarë, përfshirë Lewis Capaldi dhe Martin Garrix. Festivali ka sjellë në Kosovë edhe organizatoren e festivalit, Dua Lipa.
