“Ke histori me burrin tim”, Pas deklaratës “bombë” të Mozës, dalin pamjet e Zhakut krah ish-bashkëshortit të shkrimtares

Miqësia e pretenduar mes Inida Gjatës (Zhakut) dhe Mimoza Ahmetit në “Ferma VIP” duket se ka marrë një fund të hidhur e të pakthyeshëm.

Gjatë spektaklit të djeshëm, raporti mes tyre u kris përfundimisht, por ishin debatet pas përfundimit të transmetimit ato që nxorën në dritë prapaskena të forta.

Gjatë një bisede intime me Soni Malajn, Moza lëshoi një deklaratë të papritur që trazoi menjëherë rrjetin, duke e akuzuar Zhakun për pabesi gjatë një momenti shumë të vështirë të jetës së saj.

“Kjo që ishte shoqja ime, kur po ndahesha u bë mike me burrin tim,” – u shpreh shkrimtarja, duke lënë të kuptohet se ndien një zhgënjim të thellë.

Situata u tensionua edhe më shumë gjatë një përballjeje të drejtpërdrejtë mes të dyjave. Kur Zhaku u përpoq të distancohej duke i thënë, “Nuk kam historinë tënde”, Moza ia ktheu: “Ti mund të kesh histori me burrin tim, por me mua s’ke histori, ke bashkëpunim.”

Ndonëse Zhaku nxitoi të mohojë gjithçka, duke theksuar se nuk ka absolutisht asnjë histori me ish-bashkëshortin e saj, këto fjalë ngritën një furtunë dyshimesh te publiku. A ka pasur vërtet Zhaku ndikim në divorcin e famshëm të Mozës?

Pikërisht në kulmin e kësaj zhurme mediatike dhe dyshimeve të ngritura, provat nuk kanë vonuar. Së fundmi në rrjet është publikuar një fotografi që hedh dritë mbi këtë raport të përfolur.

Në imazhin e siguruar, Zhaku shfaqet mjaft e qeshur dhe e afërt, duke pozuar pikërisht krah ish-bashkëshortit të dytë të Mimoza Ahmetit, Enon Myftiut.

Kjo pamje dëshmon qartë se mes tyre ka ekzistuar një miqësi apo njohje e afërt, ashtu siç pretendoi shkrimtarja gjatë debatit në fermë.

Kjo fotografi pritet të shtojë edhe më shumë debatet rreth asaj që ka ndodhur vërtet vite më parë. Mbetet për t’u parë se si do të rrjedhin ngjarjet në vijim dhe nëse ky detaj do të thellojë akoma më shumë humnerën e krijuar mes dy konkurrenteve.