Krizë mes Brikenës dhe Mateos? Detaji që ngriti dyshimet për ndarje

Një lëvizje e papritur në rrjetet sociale ka bërë që fansat të dyshojnë se marrëdhënia mes Brikenës dhe Mateos mund të ketë marrë fund. Çifti, i cili u bë shumë i dashur për publikun gjatë “Big Brother VIP Albania”, duket se po kalon një periudhë të vështirë larg kamerave.

Së fundmi, ndjekësit kanë vënë re se të dy kanë fshirë nga profilet e tyre fotot dhe postimet e përbashkëta, një veprim që zakonisht interpretohet si sinjal krize në një lidhje. Edhe pse asnjëri nuk ka reaguar publikisht, veprimet e tyre kanë ndezur menjëherë aludimet për një ndarje.

Dyshimet janë forcuar edhe më shumë nga një postim i Brikenës në Instastory. Teksa udhëtonte me makinë, ajo publikoi një pamje nga dritarja, të shoqëruar vetëm me një emoji zemre të thyer, duke lënë të kuptohet se po përjeton një moment emocional të vështirë.

E gjitha kjo ka habitur ndjekësit, pasi vetëm një ditë më parë gjithçka dukej në rregull mes tyre. Brikena kishte ndarë madje një foto me nënën e Mateos, të cilën e quajti publikisht “mbretëreshë”, duke treguar afrimitetin që kishte krijuar me familjen e tij.