16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
SHOWBIZ
Kujt do i merrte këshilla? Heidi Baci zgjedh moderatoren e preferuar të Për’puthen
PiranjatPërditësimi i fundit 7 September 2026, 23:23
Pak para debutimit në sezonin e ri të “Për’puthen”, Heidi Baci ka zbuluar se cila prej ish-moderatoreve të formatit i ka pëlqyer më shumë për mënyrën se si e ka drejtuar programin. E ftuar në “Wake Up”, Heidi iu përgjigj me humor një pyetjeje të Blendi Salajt: nëse do t’i duhej të ndante shtratin me Ori Nebijajn, Bora Zemanin apo Megi Pojanin për shkak të një gabimi me rezervimin e hotelit, kë do të zgjidhte? Përgjigjja ishte Megi.
“Mendoj me Megin, të më jepte ndonjë këshillë. Mirë do të ishte, motër. Hajde këtu”, tha ajo duke qeshur.
Por zgjedhja nuk ishte thjesht një përgjigje me humor. Heidi vlerësoi veçanërisht stilin e moderimit të Megi Pojanit, duke e cilësuar si një personazh energjik, spontan dhe avangardë.
“Moderimi i saj në atë emision më pëlqen shumë. Ka shumë energji, ka shumë ngjyra. Është një nga ato personazhet avangardë që thyen tabu, që nuk i intereson dhe hidhet, provon, rrezikon. Mua kjo gjë më pëlqen”, u shpreh Heidi.
Duke folur për veten, ajo pranoi se ka një profil më të përmbajtur dhe pikërisht kjo e bën drejtimin e “Për’puthen” një sfidë të re për të.
Heidi Baci do të jetë moderatorja e sezonit të shtatë të “Për’puthen”, ndërsa në studio do të ketë në krah Erjola Doçin dhe Drini Zeqon si opinionistë.
