Shqipëria e ka kaluar kulmin e popullsisë prej 35 vjetësh dhe, sipas projeksioneve të Kombeve të Bashkuara, tkurrja demografike prite...
SHOWBIZ
"Kur isha e vogël doja kështjellë madhështore, tani diçka intime", Georgina flet për dasmën me Ronaldon
PiranjatPërditësimi i fundit 18 Gusht 2026, 22:52
Georgina Rodríguez ka rrëfyer detaje të veçanta nga dasma e saj me yllin portugez të futbollit, Cristiano Ronaldo, duke zbuluar se çifti zgjodhi një ceremoni të thjeshtë, intime dhe vetëm me familjarët, në shtëpinë e tyre në Portugali.
Në një intervistë për “Vogue”, Rodríguez tregoi se në fëmijëri imagjinonte një dasmë madhështore, me një kështjellë, një karrocë luksoze, një fustan të gjatë dhe një kurorë me diamante. Megjithatë, me kalimin e viteve, dëshirat e saj kanë ndryshuar.
“Kur isha e vogël ëndërroja kështjellën më të madhe, karrocën më të madhe, fustanin më të gjatë dhe një kurorë plot me diamante. Por tani dua diçka intime, me partnerin tim dhe fëmijët tanë, në shtëpi”, u shpreh ajo.
Rodríguez shpjegoi se pikërisht thjeshtësia e ceremonisë e bën atë më të veçantë për familjen e tyre.
“Kështjella, shtëpi, ishuj, kuaj, makina – i kemi të gjitha këto në dispozicion çdo ditë. Por një moment kaq intim është diçka më e pazakontë për ne. Kemi zgjedhur ta bëjmë në dhomën e ndenjes së shtëpisë sonë, aty ku hamë mëngjes, drekë dhe darkë dhe ku jetojmë përditshmërinë tonë”, tregoi Georgina.
