“Kur njerëzit më ofendojnë është argëtuese t’ua kthej”/ Taylor Swift zbulon si përballet me famën dhe kritikat

Taylor Swift së fundmi ka folur për presionin e famës dhe mënyrën se si përballet me kritikat e ndjekësve. Këngëtarja pranoi se ndonjëherë argëtohet duke iu kundërpërgjigjur atyre që e kritikojnë.

“Kur njerëzit më ofendojnë, është vërtet argëtuese t’ua kthej edhe unë”, u shpreh Swift, duke shtuar me humor se ndonjëherë përdor fjalë që kritikët duhet t’i kërkojnë për t’i kuptuar.

36-vjeçarja tregoi se ndër vite ka përdorur mënyra të ndryshme për të përballuar presionin e famës. Ajo citoi se kishte mundësinë të hiqte dorë përpara se fama të bëhej e pakontrollueshme.

Megjithatë, Swift theksoi se dashuria për muzikën është arsyeja që ajo vazhdon ende dhe se gjithçka që vjen bashkë me famën ia vlen për sa kohë që mund të krijojë muzikë.