Lajm i ëmbël për Rey Manajn! Futbollisti shqiptar dhe partnerja e tij në pritje të fëmijës së parë

Burime të sigurta për Piranjat News bëjnë me dije se futbollisti i Kombëtares shqiptare, Rey Manaj, dhe partnerja e tij, Arbiona Zymberi, janë në pritje të fëmijës së tyre të parë.

Sipas informacioneve të siguruara nga redaksia, çifti pritet të përjetojë së shpejti një nga momentet më të rëndësishme në jetën e tyre, duke nisur kështu një kapitull të ri si prindër.

Rey Manaj ka zgjedhur gjithmonë ta mbajë larg vëmendjes mediatike jetën e tij private. Edhe marrëdhënia me Arbiona Zymberin nuk është ekspozuar publikisht nga vetë çifti, duke ruajtur një profil diskret përgjatë gjithë kësaj periudhe.

Megjithatë, burimet e sigurta të Piranjat News konfirmojnë se dyshja po përgatitet të mirëpresë fëmijën e tyre të parë. Ky zhvillim vjen në një periudhë të rëndësishme edhe për karrierën sportive të Manajt, i cili, krahas angazhimeve në fushën e blertë, pritet të nisë edhe rrugëtimin e ri në jetën familjare.

Për momentin, as Rey Manaj dhe as partnerja e tij nuk kanë bërë një reagim publik lidhur me këtë lajm./Piranjat News