“Larg syve, larg zemrës”/ Zhaku kishte paralajmëruar që Indri do ta linte Vanesën

Historia mes Indrit dhe Vanesës në “Ferma VIP” ka marrë një kthesë të papritur, pasi aktori vendosi t’i japë fund raportit të tyre vetëm pak javë pas largimit të saj nga spektakli.

Mbrëmjen kur Vanesa u eliminua nga ferma, Indri u shfaq tepër i prekur emocionalisht, madje nuk munguan as lotët teksa përshëndeste partneren e tij. Pikërisht në atë moment, Zhaku hodhi batutën: “Larg syve, larg zemrës”, një shprehje që aso kohe u mor me humor, por që mesa duket rezultoi e vërtetë.

Pas daljes së Vanesës, marrëdhënia mes tyre nisi të ftohej dhe gjithçka u vulos nga letra që Indri lexoi publikisht, ku pranoi se distanca i kishte bërë gjërat më të qarta dhe se gjatë kohës pa të kishte ndjerë “liri” dhe jo mungesë.

“Nuk besoj që historia jonë mund të ketë të ardhme. Nuk kam ndjerë mungesë, por liri”, shprehej ai në letër.