Trupi gjykues ka konstatuar se Zyra e Prokurorit të Specializuar arriti të vërtetojë se ishte kryer krimi i luftës i arrestimit t&eum...
SHOWBIZ
Ledri Vula i dedikon tatuazh të veçantë Poem Blu, vajza i “përgjigjet” me gjestin e ëmbël
PiranjatPërditësimi i fundit 15 Shtator 2026, 17:54
Një ditë e rëndësishme për Poem Blu u kthye në një kujtim të paharrueshëm edhe për babain e saj, Ledri Vulën. Artisti ka ndarë në rrjetet sociale disa momente nga koha e kaluar me të bijën, teksa vogëlushja po përjeton një prej etapave të para të rëndësishme të fëmijërisë, nisjen e shkollës.
Mes momenteve të tyre së bashku, vëmendjen e ndjekësve e mori një detaj mjaft personal.
Ledri ka vendosur të fiksojë në trup lidhjen me vajzën e tij përmes një tatuazhi të ri. Dizajni është frymëzuar nga një vizatim tipik fëmijëror, ku shfaqen dy figura të thjeshta, një baba dhe vajza e tij. Pikërisht thjeshtësia e këtij vizatimi e bën edhe më domethënës gjestin e artistit, duke e kthyer në një simbol të marrëdhënies së tyre.
Por duket se Poem Blu nuk kishte ndërmend të mbetej vetëm spektatore. E vogla ka dashur të bëjë edhe ajo një tatuazh si babai i saj dhe, për ta bërë dëshirën realitet në mënyrë të përshtatshme për moshën e saj, ka vendosur në krah një tatuazh të përkohshëm me letër ngjitëse. Me buzëqeshjen në fytyrë dhe krahun e ngritur përpara kamerës, Poem Blu ka pozuar krah të atit, duke e bërë edhe më të veçantë momentin.
Një gjest i vogël nga vajza dhe një tatuazh me shumë kuptim nga babai, që tregojnë edhe një herë lidhjen e veçantë mes Ledrit dhe Poem Blusë.
