Kim Kardashian ka rrëfyer se kishte dyshime përpara martesës me ish-basketbollistin e NBA-së, Kris Humphries, por vendosi të vaz...
SHOWBIZ
“Lëpirësa keni me mbet!”/ Rike Roçi ‘plas’ ndaj Meritonit në premierën e Luana Vjollcës
PiranjatPërditësimi i fundit 5 April 2026, 17:30
Përplasja mes Rike Roçit dhe Meriton Mjekiqit është rikthyer sërish në qendër të vëmendjes. Gjithçka nisi nga mungesa e Meritonit në premierën e filmit “ADN”, një projekt ku ai është pjesë e kastit kryesor përkrah emrave si Rike Roçi, Erjola Doçi, Jul Deda dhe Azem Gagica.
Mungesa e tij në një moment kaq të rëndësishëm për filmin u vu re menjëherë dhe u komentua gjerësisht. Situata u tensionua edhe më shumë pas një zhvillimi të fundit. Meritoni u shfaq në një tjetër premierë filmi në Prishtinë, ku morën pjesë edhe figura të njohura si Luana Vjollca, Nik Xhelilaj dhe Olsi Bylyku. Kjo lëvizje u interpretua nga shumë ndjekës si një zgjedhje e qëllimshme, duke rritur edhe më shumë dyshimet për një raport të krisur mes tij dhe kolegëve.
Reagimi nuk vonoi nga ana e Rike Roçit. Ajo publikoi një InstaStory, ku pa përmendur drejtpërdrejt emra, hodhi një thumb të fortë që u interpretua menjëherë si një mesazh për Meritonin.
“Ka njerëz që te filmi ku kanë luajtur vetë nuk shkojnë në premierë, sidomos në vendin e vet. Ndërsa shkojnë në premierat e filmave të të tjerëve si lëpirsa. Lëpirësa keni me mbet gjithë jetën”
Deklarata e saj ka ndezur menjëherë rrjetin, duke nxitur komente të shumta dhe duke rikthyer në fokus marrëdhënien mes dy protagonistëve. Deri më tani, Meritoni nuk ka reaguar publikisht ndaj këtyre deklaratave.
