Lewis Hamilton publikon fotografinë e parë me Kim Kardashian

Lewis Hamilton ka publikuar në rrjetet sociale disa momente nga pushimet e tij gjatë pauzës së Formula 1, ku për herë të parë ka ndarë edhe fotografi me Kim Kardashian, me të cilën është lidhur prej disa muajsh.

Çifti ka kaluar kohë së bashku gjatë verës, përfshirë edhe pushime me familjen e Kim. Hamilton madje ka takuar edhe fëmijët e saj, duke treguar se marrëdhënia mes tyre po bëhet gjithnjë e më serioze dhe publike.

Në njërën prej fotografive të publikuara nga pushimet, Kim shfaqet e veshur me një fustan të verdhë, ndërsa Hamilton qëndron pranë saj. Piloti i Ferrarit e shoqëroi postimin me një mesazh ku shprehu mirënjohjen për ditët e pushimit dhe tha se po rikthehej në pistë me energji të re.

Në fotografi shfaqet edhe Kim duke luajtur dhe përkëdhelur qenin, së bashku me fëmijët e saj. Qeni Halo erdhi në jetën e Hamiltonit rreth dhjetë muaj pas vdekjes së bulldogut të tij të famshëm, Roscoe.

Marrëdhënia mes Hamiltonit dhe Kardashian është bërë gjithnjë e më publike gjatë muajve të fundit. Fillimisht, ata u shfaqën së bashku në disa raste, ndërsa në korrik Hamilton praktikisht e konfirmoi lidhjen kur u pyet nëse humori i tij i mirë lidhej me një të dashur të re dhe përmendi Kim.