Kryeministri Edi Rama ka pranuar se mes protestuesve të muajve të fundit kanë pasur edhe anëtarë, mbështetës dhe votues t&e...
SHOWBIZ
Loredana kërkon ndryshim, Adeyemi largohet nga Dortmund
PiranjatPërditësimi i fundit 25 Dhjetor 2025, 13:20
Karim Adeyemi duket se po i afrohet largimit nga Borussia Dortmund. Klubi gjerman ka vendosur ta shesë sulmuesin gjatë merkatos së janarit, pasi ai ka shfaqur pakënaqësi me jetën në Dortmund dhe dëshiron të transferohet në një qytet më të madh evropian, një vendim që ka ndikuar edhe nga kërkesa e partneres së tij, këngëtares Loredana, për një ndryshim ambienti.
Në fillim, drejtuesit e Dortmundit kishin refuzuar largimin e tij, duke e parë si një pjesë të rëndësishme të projektit të skuadrës, por situata ndryshoi pas disa episodeve tensionuese në fushë. Në një ndeshje të fundit, Adeyemi pati një përplasje me kundërshtarët dhe, pas zëvendësimit, u largua menjëherë nga pankina, një veprim që u interpretua si shenjë pakënaqësie ndaj stafet teknik. Këto zhvillime i kanë bërë drejtuesit e Dortmundit të pranojnë se mbajtja e lojtarit kundër dëshirës së tij nuk është zgjidhje dhe tani janë të gatshëm të shqyrtojnë çdo ofertë serioze.
Klubet më të interesuara për Adeyemin janë Manchester United dhe Barcelona, të cilat monitorojnë situatën dhe janë të gatshme të hyjnë në negociata. Megjithatë, transferimi nuk pritet të jetë i lehtë, pasi Dortmund ka vendosur një çmim rreth 60 milionë euro për kartonin e tij, një shifër që mund të jetë pengesë veçanërisht për Barcelonën, e cila vijon të përballet me kufizime financiare.
Janari pritet të jetë vendimtar për të kuptuar nëse Adeyemi do të realizojë transferimin e madh dhe në cilin klub do të vazhdojë karrierën e tij.
