Ka nisur në gjykatë seanca për caktimin e masës së sigurisë ndaj këngëtarit Jozefin Marku dhe shoferit të tij, Kr...
SHOWBIZ
Me imazh të përsosur/ Në betejë prej lindjes, ndërron jetë miss Austria
PiranjatPërditësimi i fundit 8 Shtator 2026, 18:54
Austria është tronditur thellë nga lajmi për vdekjen e Lucia Sisic, 22-vjeçares që kishte fituar titullin “Miss Austria 2024”. Vajza e re u nda nga jeta të hënën, siç njoftoi një mik i familjes në rrjetet sociale dhe raportuan mediat lokale.
Pas imazhit të saj të përsosur në pasarela dhe buzëqeshjes që e shoqëronte, Sisic po përballej prej vitesh me një betejë të vështirë shëndetësore.
Ajo kishte lindur me një defekt të valvulës së zemrës, gjendje që e kishte detyruar t’i nënshtrohej disa ndërhyrjeve kirurgjikale gjatë jetës së saj. Sipas raportimeve, ajo kishte kryer gjithsej shtatë operacione, ndërsa ndërhyrja e fundit ishte kryer gjatë dimrit të vitit 2025.
Pavarësisht problemeve shëndetësore, Sisic kishte vazhduar aktivitetin e saj publik dhe kishte mbajtur titullin “Miss Austria 2024”.
“Fëmijëria ime ishte ndryshe, por më bëri të fortë”
Ajo vetë nuk kishte hezituar të fliste hapur për betejën e saj personale, me dëshirën për t’u dhënë forcë njerëzve që po përballen me vështirësi.
Në një intervistë të dhënë në vitin 2024 për Heute, ajo kishte rrëfyer:
“Fëmijëria ime ishte thjesht ndryshe, por kjo më bëri më të fortë. Kur isha 13 vjeç, më duhej të reanimohesha gjatë një operacioni. Ishte një situatë vërtet kritike.”
Megjithatë, ai operacion ishte vetëm fillimi i një periudhe të vështirë. Lucia, e cila atëherë ishte vetëm 13 vjeçe, u përball me komplikime serioze, shkaku i të cilave për një kohë mbeti i paqartë.
“Këmba dhe shputa ime e majtë ishin të paralizuara. Ndjeja dhimbje të tmerrshme, edhe nëse më prekte një fllad i lehtë. Askush nuk e dinte se çfarë po ndodhte”, kishte treguar ajo. Qëndrimi i saj në spital zgjati pesë muaj, pasi sistemi nervor i gjymtyrëve të poshtme kishte pësuar një paralizë të plotë. /PiranjatNews/
