“Më parë lyhet gruaja, pastaj shtëpia”, Ola debaton me Sarën për punët e fermës

Roli i Sarës si kryefermere këtë javë duket se nuk ka kaluar pa polemika. Ndarja e punëve dhe mënyra se si ajo ka vendosur të menaxhojë fermën kanë sjellë diskutime të forta dhe mendime të ndara mes fermerëve.

Që në fillim, disa prej banorëve si Iliri, Moza dhe Malbora kanë shprehur rezerva lidhur me drejtimin e Sarës, duke lënë të kuptohet se nuk janë plotësisht dakord me mënyrën se si ajo po e ushtron këtë rol.

Në të njëjtën linjë është shprehur edhe Ola, e cila nuk ka kursyer kritikat ndaj kryefermeres. Sipas saj, qasja e Sarës është tepër e fokusuar tek puna dhe jo tek mirëqenia personale e banorëve. Me tone të drejtpërdrejta, ajo u shpreh:

“Më parë lyhet gruaja, pastaj shtëpia. Unë prioritet kam veten, më pas punët në fermë. Sara nuk i shikon dot punëtorët e saj të ulur, i do vetëm duke punuar.”

Kjo deklaratë duket se ka reflektuar një pakënaqësi më të gjerë për ritmin e punës dhe pritshmëritë që Sara ka vendosur gjatë kësaj jave.

Megjithatë, jo të gjithë ndajnë të njëjtin mendim. Visi është ndër të paktët që ka dalë hapur në mbështetje të Sarës, duke vlerësuar mënyrën se si ajo ka menaxhuar përgjegjësitë si kryefermere. Ai nuk ka pasur asnjë kritikë për ndarjen e detyrave, duke theksuar se Sara e ka përmbushur rolin e saj në mënyrë korrekte dhe të organizuar.