Një biznesmen që kontrollon një prej depove farmaceutike më të njohura në Shqipëri është vënë nën he...
SHOWBIZ
"Mendova që nuk do ia dilja...”, këngëtarja shqiptare zbulon gjendjen e vështirë shëndetësore
PiranjatPërditësimi i fundit 19 Dhjetor 2025, 15:21
Këngëtarja e njohur me origjinë shqiptare, Enisa, ka treguar një periudhë të vështirë shëndetësore që ka kaluar së fundi, si pasojë e një gjendjeje të rënduar gripale.
Enisa thotë se gjithçka ka kërkuar gjatë atyre ditëve ishte që të bëhej mirë. Ajo e quan këtë përvojë si diçka shumë të papritur për të përmbyllur vitin, ndërsa në fund falënderon këdo që është interesuar për të.
“Jashtë për herë të parë pas 3 javëve më të këqija të jetës sime! Kam parë tmerr me gripin A (i njohur edhe si varianti më i keq i gripit). Shumë ditë mendova se nuk do t’ia dilja, ishte shumë keq, por kisha Zotin në krah. Jeta është e frikshme kur e vetmja lëvizje që mund të bësh për javë të tëra është nga krevati në divan, por më ndryshoi këndvështrimin në gjithçka.
Kur nuk ke shëndetin, asgjë tjetër s’ka rëndësi. Më kujtohet kur gjithë çfarë i thosha vetes ishte që dua vetëm të jem sërish e shëndetshme. Çfarë mënyre e papritur për të mbyllur vitin. Jam shumë mirënjohëse për këtë jetë dhe dua t’i marr më të mirën. Faleminderit kujtdo që më kontaktoi, i kam lexuar të gjitha mesazhet tuaja dhe ju vlerësoj shumë! Mezi pres që të vijë 2026!”, shkruan postimi.
Këngëtarja, e cila jeton në SHBA, ka përjetuar edhe më herët situata të frikshme shëndetësore. Në gusht të vitit 2023, një makinë me shpejtësi të lartë u përplas me makinën ku ndodhej ajo.
