Kur mendon për Myrto Uzunin, gjëja e parë që të vjen ndërmend janë golat e tij apo vrapimet e pandalshme me fanellën e...
SHOWBIZ
Misteri i “Stranger Things” merr kthesë të re, komenti i Millie Bobby Brown trondit fansat!
PiranjatPërditësimi i fundit 16 Qershor 2026, 11:29
Kanë kaluar gati gjashtë muaj që nga publikimi i finales së shumëpritur të “Stranger Things”, por misteri më i madh i serialit vazhdon të ndezë debatet mes fansave… çfarë ndodhi në të vërtetë me Eleven?
Personazhi i luajtur nga Millie Bobby Brown ishte në qendër të një fundi dramatik, i cili la të hapura dy mundësi. Ose Eleven humbi jetën gjatë shkatërrimit të Upside Down, ose mbijetoi, por u nda përgjithmonë nga njerëzit që donte më shumë.
Pikërisht kjo paqartësi e ka mbajtur gjallë diskutimin mes ndjekësve të serialit, ndërsa krijuesit e tij, vëllezërit Duffer, kanë konfirmuar se ekziston një përgjigje e qartë për fatin e personazhit. Megjithatë, sipas tyre, vetëm ata dhe vetë Millie Bobby Brown e dinë të vërtetën.
Tani, një koment i fundit i aktores gjatë pjesëmarrjes në podcastin “Not Gonna Lie”, të moderuar nga Kylie Kelce, ka bërë që fansat të besojnë se sekreti mund të jetë zbuluar pa dashje.
Gjatë intervistës, Brown foli për periudhën e promovimit të sezonit final dhe zbuloi se kishte zgjedhur të vishej vetëm me të zeza gjatë gjithë turneut mediatik.
Ajo që ishte e vështirë është se unë e dija se çfarë po ndodhte, e dija fundin dhe nuk mund t’ia tregoja askujt. Dhe vesha të zeza gjatë gjithë turneut promovues për shkak të funeralit të saj, u shpreh aktorja.
Edhe pse Brown nuk e tha drejtpërdrejt se Eleven ka vdekur, përdorimi i fjalës “funerali i saj” ka mjaftuar që fansat të nisin teori të reja rreth përfundimit të historisë.
Shumë prej tyre besojnë se personazhet e serialit mund të kenë mbetur me bindjen se Eleven është ende gjallë, ndërsa realiteti mund të jetë shumë më tragjik.
Reagimet shpërthyen edhe në rrjetet sociale, ku një video në TikTok me fragmentin e intervistës u bë virale.
Videoja shoqërohej me mbishkrimin:Pra, Millie nuk beson se ajo është gjallë.
Për momentin, as aktorja dhe as krijuesit e serialit nuk kanë dhënë sqarime të mëtejshme, duke lënë misterin të hapur. Por një gjë është e sigurt, një fjali e vetme e Millie Bobby Brown ka mjaftuar për të rikthyer në qendër të vëmendjes një nga sekretet më të mëdha të “Stranger Things”.
