Modelja e njohur shqiptare vjen me një kërkesë publike për Dua Lipa-n: “Vitin tjetër do të…”

Modelja dhe këngëtarja shqiptare, Oriola Marashi, ka konfirmuar se do të jetë e pranishme në edicionin e sivjetshëm të Sunny Hill Festival, pasi ka marrë një ftesë nga organizatorët. Përmes një postimi në rrjetet sociale, ajo shprehu entuziazmin për pjesëmarrjen në festival, por tërhoqi vëmendjen edhe me një mesazh drejtuar Dua Lipës, ku zbuloi synimin e saj të madh. “Vitin tjetër do të performoj në Sunny Hill”, shkroi Marashi, duke lënë të kuptohet se synon të ngjitet në skenën e festivalit në edicionin e ardhshëm.

Rikujtojmë se së fundmi Marashi ka ngritur një shqetësim për ndotjen e detit, duke ndarë me ndjekësit një përvojë personale që, sipas saj, e ka përjetuar pas një dite në plazh. Përmes një postimi në InstaStory, modelja publikoi një foto ku shfaqen rrobat e banjës me një njollë të zezë, për të cilën pretendon se është shkaktuar nga nafta në ujë.

“Sot dola nga deti dhe rrobat e banjos dolën kështu. Kjo nuk është rërë. Kjo është NAFTË,” shkroi Oriola. Modelja shprehu shqetësimin se ndotja e ujërave përbën një rrezik jo vetëm për mjedisin dhe jetën detare, por edhe për shëndetin e pushuesve, duke bërë thirrje që situata të mos neglizhohet. Në fund të reagimit të saj, Oriola Marashi u kërkoi ndjekësve të ndajnë përvojat e tyre dhe të kërkojnë më shumë përgjegjësi nga institucionet. “A ju ka ndodhur edhe juve? Është e rëndësishme të flasim dhe të kërkojmë përgjegjësi,” përfundoi ajo.