“Në Big Brother do doja të shihja Zegjinenë”/ Monika Kryemadhi ‘analizon’ politikanët: Ilir Meta strategu i shtëpisë

Edhe pse në rolin e opinionistes, Monika Kryemadhi ishte një nga protagonistet e Big Brother VIP 5 me komentet e saj.

Në një intervistë për “Pushime On Top”, ajo tregoi se kë nga politikanët e sotëm do të shihte brenda shtëpisë më të famshme në Shqipëri, ndërsa bëri edhe një analizë për politikanët shqiptarë dhe cili do të ishte roli i tyre nëse do të ishin pjesë e Big Brother.

“Ka ndryshuar fizionomia e politikanit. Nuk është më politikani që është në aparencë shtetar, që merr vendime në kuadër të sovranitetit të vendit. Sot politikani është bërë tregtar. Nuk di çfarë të them por do kisha qejf njëherë Zegjinenë në Big Brother. Se pavarësisht sulmeve që kemi, ajo ka bërë një zgjedhje të rreshtohet përpara një gjëje që edhe ajo nuk është e bindur në atë që bën.

Strategu i shtëpisë? Për mua strateg politik ka qenë Ilir Meta, pavarësisht marrëdhënieve personale. Ka pasur një objektiv, funksionimi i një strukture shtetërore. Pavarësisht se ajo nuk mund të ekzistojë, ka qenë perfekt në lojën e shahut që ai ndërtonte.

Intriganti? Edi Rama. Ja fut të gjithëve. Por do ta haj vetë ndonjë ditë.

Mbreti i shtëpisë? Vetëm mbret nuk ka Shqipëria. Edhe në kohën e Skënderbeut, me principata kemi qenë.

Protragonisti i kamerave? Berisha. Edhe për moshën që ka është protagonist. Unë kam vdekur me atë që ka thënë tani, një maternitet në SPAK. Është shumë lart. Nuk i shkon në mendje një 20-vjeçari.

Ai që do i shpëtonte nominimit? Lul Basha.

Banori më impulsiv. Në përgjithësi impulsivët janë shpirtmirë. Por nuk shoh ndonjë shpirtmirë në politik. Mund të quaj Erion Braçen.

Paqebërësi? Niko Peleshi.

Lojtari i heshtur? Damian Gjiknuri”, u shpreh Kryemadhi.