Ambasadori i OSBE-së në Shqipëri, Michel Tarran, ka reaguar lidhur me protestat e dhunshme të zhvilluara në Tiranë dhe qytete t&e...
SHOWBIZ
Nga fytyra më e re e deri te zëri i tij! Interneti çmendet për sozinë e Jim Carrey, flet publicistja e aktorit
PiranjatPërditësimi i fundit 4 March 2026, 22:53
Fundjavën e fundit interneti gëloi nga thashetheme se Jim Carrey, komediani i dashur kanadez, nuk u shfaq vet në një ndarje çmimesh në Francë javën e kaluar, por ishte një sozi e tij, për shkak të ndryshimeve në pamjen e jashtme.
U shfaqën foto dhe video krahasuese të Carrey, ku ai dukej më i mbushur në fytyrë dhe me më pak rrudha, komentuesit e konsideruan atë “të panjohshëm”.
Së fundi ka dhënë një deklaratë zyrtare për CNN publicistja e tij Marleah Leslie e cila tha: “Jim Carrey mori pjesë në Çmimet César, ku pranoi Çmimin e tij të Nderit César".
Por edhe pas kësaj nëse u hedh një sy komenteve, përsëri ka plot skeptikë të cilët ende nuk e besojnë se ai ka qënë Jim Carrey i vërtetë.Kanë qënë disa detaje të pamjes dhe zërit të Carrey që kanë ngritur dyshimet, ku fansat kanë përmendur edhe mënyrën e tij të të folurit, si edhe faktin që ai foli në frengjisht e cila nuk është gjuha e tij amëtare, këtë t fundit e hodhi poshtë si argument Gregory Caulier, delegati i përgjithshëm i Çmimeve César.
I cili u shpreh se aktori i “The Truman Show” “punoi për fjalimin e tij në frëngjisht për muaj të tërë, duke më pyetur për shqiptimin e saktë të fjalëve të caktuara”.
“Ai erdhi me partneren e tij, vajzën e tij, nipin e tij dhe 12 miq të ngushtë dhe anëtarë të familjes. Publicisti i tij i hershëm e shoqëroi”, tha Caulier për Carrey.
Një tjetër gjë që i hodhi më shumë benzinë zjarrit tashmë të ndezur ishte edhe një postimi i një MakeUp artisti, Alexis Stone, i cili është i njohur për transformimet e tij si personazhet e famshëm. Ai ndau në instagramin e tij disa foto ku shfaqej Jim Carrey gjatë shfaqejes, si edhe një maskë, dhëmbë artificialë dhe një paruke të ngjashme si flokët e Carreyt.
Rrjeti vijon ende të hedhë spekulime, teksa akoma nuk është bërë një prononcim nga vetë aktori.
