Ambasadori i OSBE-së në Shqipëri, Michel Tarran, ka reaguar lidhur me protestat e dhunshme të zhvilluara në Tiranë dhe qytete t&e...
SHOWBIZ
“Një ditë do t’i dëgjohet zëri”, Xhesika Polo ndan detaje për partnerin: Jemi martuar
PiranjatPërditësimi i fundit 22 January 2026, 18:56
“Një dashuri që ndodhi kur u poqën kushtet”, e përshkruan Xhesika Polo historinë e saj me partnerin teksa lumturia i shprehet qartazi në fytyrë. Në rrëfimin e saj ajo nuk jep asnjë detaj se prej sa kohësh janë bashkë, por tashmë ka gjetur shpirtin e saj binjak që e ka ndihmuar të shndërrohet në versionin më të mirë të vetes.
“Jemi në sintoni, kuptohemi pa folur”, rrëfen ajo më tej duke treguar se lidhja e tyre është shumë shpirtërore dhe pikërisht dashuria që ka pritur prej kohësh. Ajo nuk ndan asgjë rreth identitetit të tij sepse nuk është figurë publike, por është e bindur se shumë shpejt do ta njohin të gjithë.
Xhesika Polo: Partneri im nuk merret me art, nuk ka lidhje fare me televizionin. Sigurisht është shumë i talentuar se s’mund të ishte burri im dhe mos të ishte i talentuar. Ka një vesh perfekt muzikor, ka një zë shumë të bukur.
Rudina Magjistari: Një artist i munguar.
Xhesika Polo: Një artist i munguar që më mirë le t’i mungojë skenës sepse një ditë do t’i dëgjohet zëri, një ditë do të thonë “Xhesika është gruaja e Filan Fistekut.” Unë besoj shumë te kjo dhe e di që një ditë do të ndodhë, pavarësisht se nuk është shumë e thjeshtë që të jenë dy persona publikë në një familje. Ai në atë që do të bëjë do të jetë më i miri. Të vetmen gjë që mund ta ndaj që është ekskluzive, është që ajo për të cilën do t’i dëgjohet zëri ka lidhje me sportin, por nëse kërkoni tani, nuk del asgjëkund.
Njohja e tyre nisi përmes miqsh të përbashkët, edhe pse më herët kishin rastisur të gjendeshin në të njëjtat mjedise, por pa pasur kontakt. “Ne herën e parë që jemi takuar zyrtarisht, jemi martuar”, thotë ajo, martesë që siç shpjegon më tej, s’ka ndodhur me letra, por shpirtrat e tyre njiheshin prej kohësh. Duke iu rikthyer talentit të tij në muzikë, ai është tashmë bashkëpunëtori i saj.
Xhesika Polo: Ai shkruan. Ne të dy kemi zbuluar që partneri im është shumë i talentuar në shkrim dhe kompozim. Ne kemi bërë disa këngë bashkë, unë kam bërë edhe një këngë me videoklip, “Fatale” ku ai është bashkëkrijues. Kemi dy projekte të tjera që do t’i nxjerrim shumë shpejt që duam ta bëjmë për dashurinë tonë që është një dhe e vetmja, si dhe shumë në vijim.
