Ministria e Drejtësisë ka reaguar lidhur me transferimin e Erion Veliajt nga ambientet e paraburgimit, duke sqaruar se lëvizja drejt Institucioni...
SHOWBIZ
Nuk do të thotë asgjë që na ndan një kufi/ Urimi i ndjerë i Fifit për 113-vjetorin e Pavarësisë: Jam 100% shqiptare!
PiranjatPërditësimi i fundit 28 November 2025, 14:01
Këngëtarja shumë e dashur për publikun, Fifi, ka uruar sot të gjithë shqiptarët për 113-vjetorin e Pavarësisë në një lidhje telefonike për “Live From Tirana” me Ronaldo Sharkën. Artistja nuk e fshehu emocionin teksa foli për këtë ditë të shenjtë për shqiptarët kudo që janë.
E pyetur se sa e ndien Pavarësinë e Shqipërisë një shqiptare nga Kosova, Fifi u shpreh pa hezitim:
“Padyshim që më rreh zemra fort. Unë tani kam dhe djalin që është 100% shqiptar, edhe unë jam 100% shqiptare pavarësisht se jam nga Kosova. Nuk do të thotë asgjë që na ndan një kufi.”
Ajo theksoi se shpreson që vitet që vijnë të sjellin më shumë bashkim mes shqiptarëve, duke zbutur smirën dhe energjinë e keqe që shpesh krijohet mes njerëzve.
“Uroj shumë që vitet e ardhshme të na bashkojnë edhe më shumë… ta duam më shumë njëri-tjetrin. Kemi shumë nevojë për dashuri dhe për fjalën e mirë.”
Fifi nuk la pa përmendur edhe rëndësinë e thjeshtësisë së të qenit të mirë me njëri-tjetrin:
“Nuk na kushton asgjë të themi fjalën e mirë. Askush nuk e di çfarë po kalon ai tjetri. Sa më pak të paragjykosh, aq më e shëndetshme është për trurin dhe shpirtin.”
Në fund, ajo dha urimin e saj për të gjithë shqiptarët:
“Gëzuar Pavarësinë! Uroj të shtohet e mira mes nesh dhe të mos i urojmë tjetrit të keqen, por vetëm të mirën.”
