“Nuk është një ndjenjë…”/ Lana Del Rey flet hapur për martesën dhe zbulon çfarë ndryshoi në jetën e saj!

Lana Del Rey ka ndarë një rrëfim të rrallë për jetën e saj bashkëshortore me Jeremy Dufrene, teksa çifti po i afrohet dyvjetorit të martesës.

Në një intervistë për revistën Harper’s Bazaar, këngëtarja amerikane pranoi se martesa ka rezultuar krejt ndryshe nga ajo që kishte imagjinuar, duke e përshkruar si një periudhë që i ka sjellë qetësi dhe stabilitet.

Mendoj se kam rënë në dashuri disa herë gjatë jetës, por kjo është ndryshe. Më jep një ndjenjë sigurie dhe paqeje

Sipas saj, martesa nuk i ka sjellë thjesht një emocion të ri, por ka hapur një kapitull krejtësisht të ri në jetën e saj.

Është sikur është hapur një pjesë e re e botës. Nuk është një ndjenjë e re, por një fazë e re e jetës. Është më tradicionale nga sa e kisha imagjinuar, në kuptimin që ekzistojnë role të caktuara, por jo ashtu siç i mendoja më parë

Artistja foli edhe për jetën e tyre familjare, duke zbuluar se, edhe pse nuk kanë fëmijë së bashku, ata kalojnë shumë kohë me fëmijët e familjes së zgjeruar.

Fëmijët në jetën tonë nuk janë tanët, por janë një pjesë shumë e rëndësishme e botës sonë. Kalojmë shumë kohë me ta dhe kjo na sjell shumë gëzim

Lana Del Rey dhe Jeremy Dufrene u martuan në shtator të vitit 2024 në Luiziana, në një ceremoni private, pasi e mbajtën lidhjen e tyre larg vëmendjes së publikut për një kohë të gjatë. Dyshja u panë për herë të parë së bashku në publik gjatë vitit 2023.

Përpara se të niste lidhjen me Dufrene, këngëtarja kishte qenë e fejuar me muzikantin Evan Winiker, por marrëdhënia e tyre përfundoi në vitin 2023.