Nuk ka më kthim pas! Produksioni jep njoftimin për mbylljen e serialit turk, fansat shpërthejnë të zemëruar

Një prej projekteve televizive më të ndjekura të muajve të fundit në Kanal D, "Eşref Rüya", po përgatit shikuesit për t'i dhënë lamtumirën e fundit ekranit. Përmes një njoftimi zyrtar të shpërndarë në rrjetet sociale nga shtëpia e produksionit TIMS&B Productions, është bërë e ditur se seriali do të përmbyllë rrugëtimin e tij shumë shpejt.

"Disa histori nuk mbeten të pashlyeshme sepse zgjasin shumë, por sepse prekin zemrën."

Me këtë moto prekëse, produksioni ka konfirmuar se kanë mbetur edhe saktësisht 3 episode nga finalja e madhe, duke vendosur që ta mbyllin historinë "atëherë kur duhet", pa e zgjatur artificialisht.

Deklarata zyrtare e produksionit:
"Falënderojmë spektatorët tanë të çmuar që nuk na lanë kurrë vetëm gjatë rrugëtimit të 'Eşref Rüya', duke e lënë këtë histori të bukur me shijen e duhur. Seriali po bëhet gati të përfundojë udhëtimin e tij televiziv me një finale që i përshtatet shpirtit të tij. Falënderojmë të gjithë ekipin tonë që kontribuoi në këtë rrugëtim dhe secilin prej jush që na mbështeti."
Reagimet e ashpra të fansave në rrjet
Edhe pse produksioni po përpiqet ta prezantojë këtë mbyllje si një zgjedhje artistike për ta lënë historinë "në kulmin e saj", fansat ndërkombëtarë nuk kanë pritur gjatë për të shprehur zhgënjimin e tyre.

Menjëherë pas postimit, rrjeti ka shpërthyer në komente kritike ndaj skenaristëve. Ndjekësit shprehen të pakënaqur me mënyrën se si po zhvillohen ngjarjet për personazhet kryesore, veçanërisht për fatin e Nisanit.

"Sfidat e fëmijërisë, abuzimi dhe ëndrrat e saj për t'u bërë këngëtare u lanë pas dore," shkruan një ndjekës i zhgënjyer, duke akuzuar skenaristët për një fund të njëanshëm dhe të nxituar.

Me vetëm 3 episode të mbetura, mbetet për t'u parë nëse "Eşref Rüya" do të arrijë t'u japë personazheve të saj fundin që meriton apo do të mbyllë siparin mes pakënaqësive të shumta të publikut.