Ambasadori i OSBE-së në Shqipëri, Michel Tarran, ka reaguar lidhur me protestat e dhunshme të zhvilluara në Tiranë dhe qytete t&e...
SHOWBIZ
Pak ditë pas daljes nga “Big Brother”, kriset marrëdhënia mes Keijsit dhe Inës!
PiranjatPërditësimi i fundit 6 March 2026, 13:38
Pak kohë pas përfundimit të eksperiencës së tyre në “Big Brother VIP Albania”, duket se marrëdhënia mes Keijsit dhe Inës ka pësuar një ndryshim që nuk ka kaluar pa u vënë re nga ndjekësit në rrjetet sociale. Dyshja, që gjatë qëndrimit në shtëpinë e reality show-t dhe edhe pas daljes prej tij janë parë shpesh në shoqërinë e njëri-tjetrit, së fundmi duket se nuk janë më aq pranë sa më parë.
Ajo që ka tërhequr vëmendjen e fansave është fakti se Keijsi dhe Ina nuk ndiqen më në Instagram. Ky detaj ka ngritur menjëherë dyshime për një krisje të mundshme në raportin e tyre, duke nxitur komente dhe diskutime të shumta mes ndjekësve.
Dyshimet u shtuan edhe më shumë mbrëmjen e djeshme, kur Keijsi u pa duke kaluar një mbrëmje në një nga lokalet e Tiranës në shoqërinë e motrës së tij. Nga pamjet dhe postimet që qarkulluan në rrjet, ajo që ra në sy ishte mungesa e Inës, e cila deri pak kohë më parë shfaqej shpesh pranë tij në dalje të ndryshme apo momente shoqërore.
Gjatë periudhës së fundit, Keijsi dhe Ina janë parë pothuajse gjithmonë bashkë, gjë që kishte bërë që shumë ndjekës të spekulonin për natyrën e raportit të tyre dhe për një afërsi të veçantë mes tyre.
Megjithatë, deri në këto momente asnjëri prej tyre nuk ka reaguar publikisht për të sqaruar situatën. Mbetet për t’u parë nëse bëhet fjalë për një distancim të përkohshëm mes tyre, apo nëse raporti i tyre ka marrë një tjetër drejtim.
