Pas dasmës madhështore në Siçili, Dua Lipa rikthehet në punë/ Fotografohet në...

Dua Lipa është rikthyer menjëherë te angazhimet profesionale pas ditëve të festimeve për dasmën e saj dhe muajit të mjaltit në Itali.

Këngëtarja shqiptaro-britanike u fotografua teksa po largohej nga Electric Lady Studio në New York, ku duket se po punon për projekte të reja muzikore.

30-vjeçarja tërhoqi vëmendjen me stilin e saj elegant, duke zgjedhur një xhaketë të kuqe të ndezur nga Ralph Lauren, të kombinuar me një këmishë të bardhë, xhinse të çelëta dhe çizme të zeza me platformë. Pamjen e kompletoi me një shami të kuqe në kokë dhe syze dielli.

Dua u shfaq në humor të mirë teksa përshëndeti fansat përpara se të largohej nga studioja.

Ndërkohë, bashkëshorti i saj i ri, aktori Callum Turner, u pa në një tjetër zonë të qytetit duke shijuar një darkë me një mik në Cafe Cluny.

Çifti sapo i martuar kishte tërhequr më herët vëmendjen edhe gjatë një paraqitjeje në Kupën e Botës 2026, ku Dua ndau momente romantike me Callum nga stadiumi MetLife.

Këngëtarja dhe aktori britanik u martuan në një ceremoni private në Siçili, ndërsa pas dasmës kaluan disa ditë pushime në Itali, përpara se Dua t’i rikthehej muzikës dhe projekteve të saj të reja.