Ambasadori i OSBE-së në Shqipëri, Michel Tarran, ka reaguar lidhur me protestat e dhunshme të zhvilluara në Tiranë dhe qytete t&e...
SHOWBIZ
Pas dasmës, Rogerti ironizon çiftin: pse nuk ndanë një krevat Gimbo dhe Selin?
PiranjatPërditësimi i fundit 6 March 2026, 18:30
Mëngjesi në shtëpinë e “Big Brother VIP5” ka nisur me momente të afërta mes Gimbos dhe Selinit, vetëm pak orë pas dasmës simbolike që ata zhvilluan një natë më parë brenda shtëpisë.
Dy banorët u zgjuan duke shkëmbyer përqafime dhe puthje, duke treguar se pas ceremonisë marrëdhënia mes tyre duket më e afërt se më parë. Gimbo qëndronte pranë Selinit në shtrat dhe përpiqej ta zgjonte me përkëdhelje, ndërsa atmosfera mes tyre dukej e qetë dhe romantike.
Momenti nuk kaloi pa komente nga Rogerti, i cili vendosi të ironizonte situatën dhe t’i kujtonte çiftit dasmën e një nate më parë. Ai ngriti pyetjen pse, pavarësisht ceremonisë, ata nuk kishin fjetur në të njëjtin krevat.
"Je në skuadër të fortë. Çohu motër, presim sulmet sot”, u shpreh ai në fillim, duke iu drejtuar Edisës. Më pas ai iu drejtua drejtpërdrejt Gimbos duke thënë: “Gimbo, o Gimbo, pse nuk keni fjetur në një krevat sot?”.
Rogerti vijoi me komente edhe ndaj Mateos, duke aluduar për aleanca brenda shtëpisë. “Ti, Mateo, nuk je martuar, nuk presim sulm nga ti sot. A je aleat?”,tha ai.
Mateo reagoi shkurt duke pyetur: “Aleat i kujt?”, ndërsa Rogerti e vazhdoi bisedën me një tjetër koment: “A je aleat i Selinit, se Gimbo nuk ekziston për momentin?”.
Pavarësisht ironive dhe provokimeve, as Gimbo dhe as Selin nuk reaguan ndaj komenteve, duke zgjedhur të mos përfshihen në debat. Pas dasmës që u komentua shumë brenda shtëpisë, duket se marrëdhënia mes tyre do të vazhdojë të jetë një nga temat kryesore të diskutimit mes banorëve.
