Pas lajmeve për ndarje, vjen lëvizja e re nga Sara dhe Eriku

Thashethemet për një ndarje përfundimtare mes Sarës dhe Erikut duket se kanë qenë të nxitura para kohe.

Ndonëse në sy të publikut u krijua përshtypja se rrugët e tyre u ndanë përgjithmonë, detajet e fundit tregojnë një realitet krejt tjetër.

Që nga muaji maj, miq të afërt të çiftit kishin sinjalizuar se një ribashkim i mundshëm ishte plotësisht i pritshëm.

Burimet konfirmojnë se gjatë kësaj periudhe, raporti mes Sarës dhe Erikut ka kaluar përmes ulje-ngritjeve të vazhdueshme, por pa e shkëputur asnjëherë plotësisht kontaktin apo pa pasur një ndarje definitive.

Vula e këtij rikthimi ka ardhur përmes një lëvizjeje në rrjetet sociale. Pasi bënë bujë kohë më parë duke hequr njëri-tjetrin nga lista e ndjekësve në Instagram, dyshja ka rifilluar të ndiqet sërish në këtë platformë.

Po ashtu, bëhet me dije se Sara dhe Eriku kanë javë që kanë gjetur gjuhën e përbashkët dhe po i japin një shans të ri marrëdhënies së tyre.

Tashmë mbetet për t’u parë nëse ata do ta zyrtarizojnë publikisht këtë kapitull të ri, apo do të zgjedhin ta mbajnë jetën e tyre private larg vëmendjes së mediave rozë.