Për kë bëhet fjalë? Çifti i ri i showbizzit tenton t’i shpëtojë interesit të paparacëve, shfaqen në aeroport me maska

Kendall Jenner dhe Jacob Elordi u përpoqën të kalonin fshehurazi nëpër aeroport të veshur me maska, kapuçë, kapele dhe syze dielli, por çantat e tyre, me vlerë rreth 30,000 dollarë, tërhoqën vëmendjen e të gjithëve.

Çifti u pa në aeroportin e Brisbane pas pushimeve së bashku në Byron Bay për të festuar ditëlindjen e 29-të të aktorit.

Pavarësisht kapelave, kapuçëve, syzeve të diellit dhe maskave që ua mbulonin pothuajse të gjithë fytyrën, Elordi dhe Jenner tërhoqën interes për shkak të bagazheve të tyre shumë të shtrenjta.

Aktori mbante një çantë të madhe të zezë të thurur Bottega Veneta, me vlerë rreth 15,500 dollarë, si dhe një çantë Gucci me vlerë rreth 6,000 dollarë.

Kendall Jenner gjithashtu zgjodhi të mbulonte fytyrën, duke veshur një kapelë blu, një maskë të zezë dhe një shall të madh të zi.