Pas votimit të projektligjit të ri për Bankën e Shqipërisë dhe tensioneve të regjistruara në sallën e Kuvendit, &e...
SHOWBIZ
Pse vajzat e showbizz-it shqiptar nuk publikojnë foto me partnerët në ‘Instagram’? Habit influencerja: Të dashurit i kanë në kërkim nga Interpoli
PiranjatPërditësimi i fundit 7 January 2026, 15:21
Influencerja Dea Vieri, ka folur së fundmi mbi rrjetet sociale dhe mënyrën se si personazhet e showbizz-it ruajnë privatësinë e tyre, e sidomos sa i përket lidhjeve romantike. Sipas Deas, një arsye pse vajzat e njohura të ekranit në Shqipëri rezervohen në këtë aspekt, është sipas saj fakti që partnerët e tyre janë në kërkim nga Interpoli ose janë personazhe të botës së krimit.
“Shumica e vajzave shqiptare nuk i publikojnë të dashurit e tyre në rrjete sociale, sepse, ‘Zot më fal’, por i dashuri i vet mund të jetë i kërkuar nga Interpoli ose është pjesë e grupeve”, tha ajo.
Ndër të tjera, ajo shtoi se kjo bëhet për të menaxhuar riskun, pasi ekspozimi në rrjetet sociale, mund t’i vërë ata para përgjegjësive që duan të shmangin.
“Tani atë tjetrin e kërkon Interpoli dhe t’i ta publikosh në Instagram, sikur nuk bën sens. E para pse nuk i publikojnë është për menaxhimin e riskut. Nuk është faji i gocave, është faji i të dashurve që janë të papostueshëm. Nëse ti je i papostueshëm, më vjen keq”, tha ajo.
Po ashtu, Dea shtoi se një tjetër arsye se pse vajzat i mbajnë lidhjet e tyre private është edhe për shkak të mentalitetit.
“Tjetra është që vajzat shqiptare duan t’i mbajnë këto marrëdhënie sa më shumë private. Duam apo nuk duam ne, vijmë nga ai mentaliteti i vjetër, patriarkal, që nuk është mirë që nuk është mirë t’i ekspozosh të gjitha lidhjet, duhet të kesh vetëm një burrë dhe të martohesh.
Mendoj se ky lloj mentaliteti, ndikon që vajzat të stepen dhe që të postojnë vetëm kur marrin propozimin për martesë. Foto kur je single dhe pastaj ‘bum’, fotot me unazë, me dasmë, madje edhe me beba”, tha ajo në “Wake UP”.
