Rita Ora zbulon zakonin shqiptar që e shoqëron ende: E kam marrë nga gjyshja

Edhe pse sot jeton mes seteve të filmave në Hollywood, turneve muzikore dhe projekteve të reja artistike, Rita Ora thotë se nuk është shkëputur kurrë nga traditat me të cilat është rritur.

Këngëtarja me origjinë shqiptare ka folur së fundmi për ndikimin që familja dhe kultura shqiptare kanë pasur në jetën e saj, duke rrëfyer se disa zakone të trashëguara nga gjyshja vazhdojnë të jenë pjesë e përditshmërisë së saj.

Rita kujton se familja u largua nga Prishtina drejt Londrës kur ajo ishte ende foshnjë, gjatë viteve të vështira për shqiptarët në Kosovë. Sipas saj, përvoja e emigrimit ka ndikuar në mënyrën si e sheh jetën dhe punën.

“Jam krenare për prejardhjen time dhe për faktin që jam rritur si emigrante. Kjo të jep një shtysë të vazhdueshme për të ecur përpara dhe për të mos u dorëzuar,” është shprehur artistja.

Ajo foli edhe për lidhjen e veçantë që ndjen me sukseset e artistëve të tjerë shqiptarë, duke përmendur edhe Dua Lipën. Rita zbuloi se familjet e tyre njiheshin prej dekadash në Kosovë dhe shpreson që një ditë të bashkëpunojnë në muzikë.