Rizarta Hoxha bën lëmsh rrjetin! U pikas me Arbër Çepanin, por shfaqet duke u puthur me dikë tjetër...

Pak ditë pasi u bë publike lidhja e Rizarta Hoxhës me Arbër Çepanin dhe u raportua për udhëtimin e tyre në Spanjë, një video e re ka tërhequr vëmendjen në rrjet.

Pamjet janë publikuar nga gazetari Elton Tozaj dhe në to Rizarta shfaqet në shoqërinë e një djali, me të cilin shkëmben edhe një puthje.

Videoja është shoqëruar nga Tozaj me pyetjen: “Ups, para apo pas udhëtimit në Spanjë?”.

Postimi ka nxitur reagime dhe komente në rrjet, veçanërisht për shkak se vjen vetëm pak ditë pas raportimeve për lidhjen e Rizartës me Arbër Çepanin.

Megjithatë, nuk dihet se kur janë realizuar pamjet dhe kush është djali që shfaqet në video.

Për momentin, janë pikërisht këto dy pikëpyetje që kanë shtuar kureshtjen rreth videos së publikuar.

Ndërsa Tozaj nuk jep detaje të tjera për kohën e regjistrimit, pamjet kanë rikthyer vëmendjen te jeta sentimentale e Rizarta Hoxhës.