Një ngjarje tragjike është regjistruar pasditen e së enjtes në Kapadokia të Turqisë, ku një nga formacionet karakteristi...
SHOWBIZ
Rogerti shpërthen në lot pas letrës së partneres në BBVA
PiranjatPërditësimi i fundit 14 February 2026, 21:00
Momente të mbushura me emocion dhe ndjenja të forta janë përjetuar sot në shtëpinë e Big Brother VIP Albania me rastin e Shën Valentinit. Banorët u surprizuan me trëndafila dhe letra personale nga partnerët e tyre, duke krijuar një atmosferë mjaft të ndjerë brenda shtëpisë më të famshme në vend.
Një nga momentet më prekëse ishte ai i Rogertit. Në një video të publikuar në Instagram, ai shihet teksa merr letrën nga partnerja e tij, por e ka të pamundur ta lexojë me zë për shkak të emocioneve. “Lexoje”, i thotë një prej banorëve, ndërsa ai përgjigjet mes lotësh: “S’mundem o vëlla”.
Letra u lexua më pas nga një tjetër banor, i cili përcolli fjalët e dashurisë: “Dashuria ime, mos u shqetëso për zërat, unë nuk largohem kaq lehtë. Antagonisti im i preferuar, zemra ime rreh vetëm për ty, të dua!”
Fjalët prekëse duket se e thyen plotësisht Rogertin, i cili shpërtheu në lot dhe u shpreh: “Më mungon o dreqe”. Banorët e tjerë iu afruan menjëherë për ta përqafuar dhe për t’i dhënë mbështetje në këtë moment delikat.
Surpriza e Shën Valentinit solli jo vetëm buzëqeshje, por edhe lot gëzimi e mall brenda shtëpisë së Big Brother VIP Albania, duke dëshmuar edhe një herë se ndjenjat e vërteta arrijnë të depërtojnë edhe përtej mureve të lojës.
