16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
SHOWBIZ
“Sa janë rritur"/ Nga Sara Hoxha te Xhensila Myrtezaj, fotot e fëmijëve të personazheve të njohur në ditën e parë të shkollës
PiranjatPërditësimi i fundit 14 September 2026, 16:35
Dita e parë e shkollës sjell gjithmonë emocione të veçanta, por për prindërit duket se vitet kalojnë edhe më shpejt. Çantat e reja, përqafimet, fotot e para dhe urimet për një vit të mbarë u shoqëruan këtë herë edhe me shumë nostalgji e emocion nga personazhet e njohur shqiptarë.
Bora Zemani e ka shoqëruar momentin me një batutë të ëmbël, duke treguar se sa më shumë rriten fëmijët, aq më e vështirë bëhet të realizosh një foto në ditën e parë të shkollës. “Sa më shumë rriten, aq më vështirë bëhet për një foto në ditën e parë të shkollës! Gëzuar kalamaja! Vit të mbarë për të gjithë!”, shkroi ajo.
Për Xhensila Myrtezajn, kjo ditë ishte edhe më emocionuese, pasi vajza e saj Ajka nisi klasën e dytë. Këngëtarja kujtoi momentet që nga dita e parë e kopshtit, duke i premtuar të bijës se do t’i qëndrojë pranë në çdo hap të jetës. “Të premtoj, dorën tënde nuk do ta lëshoj kurrë”, shkroi Xhensila, duke e mbyllur mesazhin me urimin që Ajka të mësojë, të qeshë dhe të shkëlqejë gjithmonë.
Edhe Jul Deda e përjetoi në një mënyrë tjetër këtë fillim viti. Me fëmijët e tij tashmë të rritur, aktori tregoi se këtë herë ishte radha për të përcjellë në shkollë nipin dhe mbesën. “Meqë këta të mitë u rritën, u bënë burra dhe gra, përcolla për në shkollë nipin dhe mbesën”, shkroi ai me humor, duke theksuar se dita e parë e shkollës mbetet gjithmonë një ditë e rëndësishme.
“Çfarë emocioni sot”, shkroi Jonida Vokshi, duke përmbledhur me pak fjalë atë që kjo ditë përfaqëson për një prind.
Edhe Visjan Ukcenaj e nisi ditën me urime për të gjithë fëmijët, ndërsa për djalin e tij kishte një mesazh të veçantë: “Suksese Kingu babit Divin”.
Një mesazh më i gjatë dhe plot dashuri erdhi nga Agron Llakaj, i cili publikoi nipërit e tij, Teos dhe Brus. “Urime vitin e ri shkollor, birushat e gjyshit”, shkroi ai, duke u uruar sukses të gjithë fëmijëve shqiptarë kudo që ndodhen.
Në mesazhin e tij, Llakaj i nxiti fëmijët të lexojnë, të mësojnë dhe të argëtohen, duke ndarë edhe një mesazh përtej librave dhe mësimeve: “Mësoni që të dini, por mbi të gjitha mësoni që të bëheni njerëz më të mirë”.
Edhe vajza e Sara Hoxhës dhe Ledri Vulës, djemtë e Julka Gramos dhe vajza e Rudina Dembacaj ishin pjesë e momenteve të bukura të ndara nga familjet e njohura shqiptare në këtë ditë të veçantë.
