Ministria e Drejtësisë ka reaguar lidhur me transferimin e Erion Veliajt nga ambientet e paraburgimit, duke sqaruar se lëvizja drejt Institucioni...
SHOWBIZ
Sfida fatale me 10,000 kalori: Trajneri 30-vjeçar ndërron jetë në gjumë pas ‘maratonës’ së shtimit të peshës
PiranjatPërditësimi i fundit 28 November 2025, 13:48
Një trajner dhe influencer fitnesi nga Rusia ka humbur jetën pas pjesëmarrjes në një sfidë ekstreme ku konsumonte deri në 10,000 kalori në ditë vetëm me ushqime të shpejta. Dmitry Nuyanzin, 30 vjeç, nga Orenburgu, vdiq në gjumë ndërsa po zhvillonte një “maratonë” të qëllimshme të shtimit të peshës për të treguar më pas një transformim dramatik përmes një programi dobësimi që promovonte për ndjekësit e tij.
Sipas People, Nuyanzin synonte të shtonte rreth 25 kilogramë dhe më pas t’i humbiste bashkë me klientët e tij, duke i motivuar ata me shembull personal. Në javët e fundit, dieta e tij ishte e mbushur me ushqime të përpunuara dhe tepër kalorike: ëmbëlsira, pelmena me majonezë, patatina dhe porcione të plota të ushqimeve të shpejta.
Një ditë para vdekjes, trajneri anuloi të gjitha seancat, duke u shprehur se ndihej shumë keq dhe planifikonte të vizitonte një mjek. Ai u gjet i pajetë në gjumë, me dyshime se zemra i është ndalur gjatë natës.
Dmitry Nuyanzin ishte diplomuar në Shkollën e Rezervës Olimpike në Orenburg dhe më pas në Universitetin Kombëtar të Fitnesit në Shën Petersburg. Për më shumë se 10 vite ai kishte trajnuar sportistë elitarë dhe klientë të njohur në Rusi.
