Shakira ndez thashethemet për një romancë të re, shfaqet në Los Anxhelos me aktorin e “The Lincoln Lawyer!”

Këngëtarja kolumbiane Shakira është rikthyer në qendër të vëmendjes së mediave rozë, pasi është parë së fundmi në shoqërinë e aktorit meksikan Manuel Garcia-Rulfo në Los Anxhelos.

Sipas raportimeve të mediave ndërkombëtare, takimi mes dyshes ka nxitur menjëherë spekulime për një afrim të mundshëm romantik. Garcia-Rulfo njihet gjerësisht për rolin e tij në serialin hit The Lincoln Lawyer, ku interpreton personazhin kryesor të njohur si “Avokati Lincoln”.

Edhe pse nuk ka asnjë konfirmim zyrtar nga asnjëri prej tyre, paraqitja e përbashkët ka mjaftuar që rrjetet sociale dhe mediat e showbiz-it të aludojnë për një histori të re dashurie.

Që prej ndarjes së bujshme nga ish-futbollisti Gerard Piqué, me të cilin ka dy fëmijë, Shakira ka qenë vazhdimisht objekt i interesit publik për jetën e saj private. Megjithatë, artistja ka zgjedhur të mos komentojë raportet që e kanë lidhur me emra të ndryshëm gjatë viteve të fundit.

Për momentin mbetet e paqartë nëse takimi në Los Anxhelos ishte thjesht miqësor apo sinjali i parë i një romance të re për yllin e muzikës botërore. Fansat, ndërkohë, po presin me kuriozitet çdo zhvillim të ri rreth kësaj historie.