Ndizen akoma më fort sistemet e alarmit te Norvegjia teksa bëhet gati për sfidën historike me Anglinë në çerekfinale t&eu...
SHOWBIZ
Spektakël historik në finalen e Botërorit/ Justin Bieber, Madonna dhe Shakira do të ndezin skenën e New Jersey-t
PiranjatPërditësimi i fundit 9 Korrik 2026, 14:59
Justin Bieber do të jetë një nga emrat e mëdhenj që do të ngjitet në spektaklin e finales së Botërorit 2026, së bashku me Shakirën, Madonnën dhe grupin BTS. Shfaqja madhështore do të mbahet më 19 korrik në stadiumin e New Jersey-t dhe do të zgjasë rreth 11 minuta.
Në këtë performancë do të marrin pjesë gjithashtu edhe Burna Boy me këngën e tij “Dai Dai”, dirigjenti i njohur Gustavo Dudamel, si dhe kori PS22, duke sjellë një kombinim të muzikës pop, ritmeve ndërkombëtare dhe performancave artistike.
Spektakli i finales do të ketë edhe një mision bamirësie, pasi do të mbështesë fondin FIFA Global Citizen Education Fund, një nismë që synon të mbledhë 100 milionë dollarë për të krijuar më shumë mundësi për arsim cilësor dhe për zhvillimin e futbollit te fëmijët në të gjithë botën.
Deri tani, fondi ka arritur të mbledhë mbi 50 milionë dollarë, ndërsa një pjesë e të ardhurave nga biletat e finales do të shkojë për të financuar programe arsimore dhe sportive në vende të ndryshme.
“Jam mirënjohës që do të jem pjesë e këtij spektakli dhe edhe më i lumtur që kjo nismë po ndihmon në zgjerimin e mundësive për arsimimin e fëmijëve në mbarë botën”, u shpreh Justin Bieber.
