“Takime që i japin paqe zemrës”, Stresi ribashkohet me ish-partneren Kejsi?

Stresi dhe ish-partnerja e tij, Kejsi, janë rikthyer sërish në qendër të vëmendjes pas një fotografie të publikuar në rrjetet sociale, ku shfaqen të ulur pranë njëri-tjetrit.

Ka qenë vetë reperi ai që ka ndarë imazhin në “Instagram Story”, duke e shoqëruar me një mesazh emocional që ka nxitur menjëherë dyshimet për një afrim mes tyre.

“Ka takime që nuk ndryshojnë të shkuarën, por i japin paqe zemrës”, shkruhet mbi fotografinë e dyshes, ndërsa postimit nuk i kanë munguar as zemrat e kuqe.