Takimi që nuk e prisnim, Luiz Ejlli krah aktorit turk, zbulon bashkëpunimin më të ri

Këngëtari i mirënjohur shqiptar dhe fituesi i Big Brother VIP Albania 2, Luiz Ejlli, ka tërhequr sërish vëmendjen e publikut gjatë qëndrimit të tij jashtë vendit, këtë herë nga Turqia, ku po kalon disa ditë pushimi me familjen.

Gjatë vizitës së tij, ai ka pasur një takim të papritur me një nga figurat më të njohura të televizionit turk, aktorin Kenan İmirzalıoğlu, i cili është goxha i dashur edhe për publikun shqiptar për rolin e tij ikonik në serialin “Ezel”.

Në një foto të publikuar në rrjetet sociale, të dy shihen të buzëqeshur duke pozuar krah njëri-tjetrit gjatë pushimeve. Ajo që ka tërhequr më shumë vëmendje ka qenë mbishkrimi i Luizit në Instastory, ku ai ka lënë të kuptohet me humor se mund të ketë një vazhdim të mundshëm të serialit të famshëm, duke shkruar: “Ezel 2. Së shpejti”.

Postimi i tij është shpërndarë gjerësisht në rrjet dhe ka ngjallur reagime të shumta nga fansat, të cilët e kanë marrë me humor dhe kuriozitet këtë ndërveprim mes këngëtarit shqiptar dhe aktorit të njohur turk.