“Të filloj të besoj në syrin e keq”/ Franceska Rrustemi tregon incidentin e papritur në det

Moderatorja Franceska Rrustemi ka ndarë me ndjekësit një incident të papritur që i ka ndodhur gjatë një udhëtimi me varkë.

Në pamjet e publikuara në rrjetet sociale, shihet se mjeti lundrues ku ndodhej moderatorja është përballur me një problem në mes të detit, ndërsa në ndihmë është afruar një tjetër anije.

Në një nga videot, grupi shihet duke marrë një bidon me ngjyrë të verdhë, çka ngre dyshimet se problemi mund të ketë qenë i lidhur me mungesën e karburantit ose një defekt teknik.

Në pamje të tjera, Franceska shfaqet duke mbajtur një sinjalizues me dritë të kuqe, i cili përdoret në raste emergjencash detare për të sinjalizuar vendndodhjen dhe për të kërkuar ndihmë.

“Të filloj të besoj në syrin e keq, sepse kjo më ndodhi në një ditë të zakonshme gushti”, ka shkruar ajo krahas videos.

Moderatorja nuk ka dhënë detaje të tjera mbi shkakun e incidentit, ndërsa nga pamjet duket se situata është zgjidhur dhe personat në bord kanë marrë ndihmën e nevojshme.

Incidenti ka mbetur një episod i papritur gjatë pushimeve verore të moderatores.