Tom Cruise njofton projektin e ri/ Roli i tij dhe aktores Anne Hathaway në vazhdimin e filmit "Days of Thunder"

Tom Cruise ka njoftuar se do të luajë përsëri rolin e Cole Trickle në vazhdimin e filmit "Days of Thunder", premiera e të cilit është planifikuar të dalë më 2 qershor 2028.

Sipas tij filmi nuk ka të bëjë vetëm më garat por edhe me komunitetin dhe njerëzit e përfshirë tek i gjithë sezoni mes pilotëve, drejtuesve, tifozëve, sponsorëve dhe anëtarëve të ustrisë. Ai shtoi se vazhdimi do të përpiqet ta sjellë audiencën më afër funksionimit të ekipit dhe vetë NASCAR-it, së bashku me shpejtësinë, emocionin dhe rrezikun që sjell ky sport.

Në film do të luajë Cruise së bashku me Anne Hathaway, e cila do të luajë rolin e pronares dhe inxhinieres së ekipit ndërsa Tom Cruise do të ketë edhe rolin e producentit të filmit.

"Days of Thunder" origjinal i vitit 1990 u bazua pjesërisht në historinë e pilotit të ndjerë të NASCAR, Tim Richmond. Edhe pse në kohën e publikimit të tij ai u prit me shumë kritika më vonë fitoi statusin e kultit midis tifozëve të garave.